വേദന

**************

ഇനിയെവിടെ തിരയും ഞാൻ.

ഇരുളെടുത്ത കനവുകളെ

മെലിയുന്നൊരു മഴയുടെ മിഴിയിൽ

അലിയും നിൻ ഓർമ്മകളെ .

അകലങ്ങളിനിയും പൂക്കും

പകലുകളും നോവുകളും

അറിയാതെൻ നെഞ്ചിൽ പിടയും

നിൻ മുഖവും വാക്കുകളും..

ഇതുവരെ നീ വന്നെന്നൊപ്പം 

ഈ വഴിയിൽ പിരിയാനായ്

 ഒടുവിൽ നീയോതിയ  വാക്കിൻ

കനലിൽ ഞാനുരുകാനായ്..

ഇലകളിലെ കാറ്റും പാട്ടും

ഇടവഴിയിലെ യുച്ചകളും

തഴുകി നാമൊരുമിച്ചലഞ്ഞ

പുഴവക്കിലെ സന്ധ്യകളും.

 

പഴകില്ലെന്നുള്ളിലൊരിക്കലു -

മഴുകില്ലെൻവേദനകൾ

അവയിൽ നിന്നിനിയും  പൂക്കും

പ്രണയത്തിൻ കാമനകൾ .  .