പ്രണയം നഷ്ടമാവുമ്പോൾ ..

മഴകൾ പാടാതെയാകും
മിഴികൾ തുടിക്കാതെയാകും .
കാത്തിരിപ്പുകൾക്കു മുന്നിലേക്ക്‌ നീളുന്ന വഴികളിൽ
ഇലകൾ കൊഴിയാതെയാകും ..
പകലുകൾ രാത്രിയോട് ചാരുന്ന ചരിവുകളിൽ
വിടവുകൾ കാണാതെയാകും .
നിറങ്ങൾ പടരാതെയാകും .
കാറ്റും കതിരും പരസ്പരം മിണ്ടാതെയാകും
കഥകൾ ജനിക്കാതെയാകും ..

പ്രണയം നഷ്ടമാകുമ്പോൾ ..
കടലുകൾ ഇരമ്പാതെയാകും
കാറുകൾ പെയ്യാതെയാകും.
മരുപ്പച്ച മരുഭൂമിയാകും
കാടും മലയും പുഴയും വഴിയും
ഒരേ  കറുപ്പിൽ ഒടുങ്ങും ..

പ്രണയം ഇല്ലാതെയാകുമ്പോൾ
ചലനം നിലയ്ക്കുന്ന തീരങ്ങളിൽ
തിരകൾ അടുക്കാതെയാകും ..